Gəncə Apellyasiya Məhkəməsinin hakimi Nural Əliyev vəzifəsindən azad ediləcək.
Milli Məclisin mayın 26-da keçiriləcək plenar iclasının gündəliyinə bu məsələ daxil edilib.
Nural Əliyev 1986-cı ildə Bakıda anadan olub. 2008-ci ildə BDU-nun Hüquq fakültəsini bitirib. 2009-2016-cı illərdə Ali Məhkəmənin katibi, 2016-2018-ci illərdə Sabunçu Rayon Prokurorluğunda müstəntiq işləyib.
O, 2018-ci ildə Gəncə Ağır Cinayətlər Məhkəməsinə hakim təyin olunub. 2022-ci ilin dekabrında isə Gəncə Apellyasiya Məhkəməsinə keçib.
Xatırladaq ki, Şəmkirin sabiq icra başçısı Alimpaşa Məmmədovun cinayət işi üzrə 5 iclas məhz hakim Nural Əliyevin sədrliyində keçirilib.
