Haris Piplas: "Şəhər problemləri üzərində birlikdə işləməliyik".
Bunu İsveçrədə İnteqrasiya olunmuş Şəhər Həlləri üzrə Direktor Haris Piplas WUF13 çərçivəsində Azərbaycan pavilyonunda keçirilən tədbirdə deyib.
O, müxtəlif sahələr üzrə bilik və bacarıqları bir araya gətirərək konkret problemlərə uyğun komandalar yarada biləcəyimizi bildirib.
"Avropanın bir çox şəhərində problem bilik və ya texniki imkan çatışmazlığı deyil. Problem inteqrasiyanın olmamasıdır. Biz şəhərləri hələ də XIX əsrdə olduğu kimi - funksional, parçalanmış şəkildə planlaşdırırıq. Mobillik, enerji, ictimai məkan ayrı-ayrılıqda planlaşdırılır. Halbuki biz bunu fərqli etmək istəyirik".
O vurğulayıb ki, şəhərlər sürətlə böyüyür, bəziləri isə kiçilir: "Şəhərlər həm problemin, həm də həllin bir hissəsidir. İstixana qazı emissiyalarının 70%-i şəhərlərdə yaranır. Cəmiyyətimiz sürətlə dəyişir".
