Milli Hidrometeorologiya Xidməti mayın 7-dək ölkə ərazisində hava şəraitinin kəskin dəyişəcəyini proqnozlaşdırır. Gözlənilən intensiv yağışlar, güclü külək və ildırım çaxması səbəbindən Fövqəladə Hallar Nazirliyi (FHN) vətəndaşlara xəbərdarlıq edib.
Xüsusilə dağlıq rayonlarda sel və daşqın riski artır. FHN bildirir ki, vətəndaşlar təhlükəli ərazilərdən uzaq durmalı, sel baş verərsə dərhal yüksək yerə qalxmalıdırlar.
Güclü külək zamanı yüngül konstruksiyalı tikililərdən, reklam lövhələrindən uzaq durmaq, elektrik dirəkləri altında dayanmamaq tövsiyə olunur. Həmçinin küləkli havada yanğın təhlükəsizlik qaydalarına ciddi riayət edilməlidir.
Kiçik gəmi sahiblərinə isə belə havada dənizə çıxmamaları tapşırılıb. Daha ətraflı məlumat üçün təhlükəsizlik qaydaları səhifəmizə baxın.
