Azərbaycanda hərbi xidmətə yollanan bəzi şəxslərə müavinət veriləcək. Bu, "Diplomatik xidmət haqqında" Qanunda əksini tapıb.
Qanuna görə, diplomatik xidmət əməkdaşı müddətli həqiqi hərbi xidmətə çağırıldıqda işinə xitam verilərsə, ona orta aylıq dövlət məvacibinin üç misli miqdarında müavinət ödəniləcək.
Hərbi xidmətdən buraxıldıqdan sonra 60 gün ərzində əvvəlki vəzifəsinə qayıtmaq üçün müraciət edənlər əvvəlki və ya analoji vəzifəyə təyin ediləcəklər.
