Milli Hidrometeorologiya Xidməti iyul ayı üçün hava proqnozunu açıqlayıb.
Proqnoza görə, ölkə ərazisində orta aylıq temperatur iqlim normasına yaxın, bəzi yerlərdə isə bir qədər yüksək olacaq. Yağıntı miqdarı da normaya yaxın, bəzi ərazilərdə isə çox olacaq.
Ayın ilk günü yağıntılı keçəcək, intensiv yağış, şimşək və dolu ehtimalı var. Daha sonra hava mülayimləşəcək, əksər rayonlarda yağmursuz hava üstünlük təşkil edəcək.
Bakı və Abşeronda orta temperatur 25-28°C, gecə 21-26°C, gündüz 29-34°C, bəzi günlərdə 36-40°C olacaq. Yağıntı normaya yaxın (2-3 mm).
Naxçıvan Muxtar Respublikasında orta temperatur 26-28°C, gecə 20-25°C, gündüz 30-35°C, bəzi günlərdə 37-40°C olacaq. Yağıntı normaya yaxın (6-16 mm).
Dağlıq ərazilərdə (Xankəndi, Şuşa və s.) orta temperatur 18-23°C, gecə 12-17°C, gündüz 20-25°C, bəzi günlərdə 30-35°C olacaq. Yağıntı normaya yaxın (29-72 mm).
Qərb rayonlarında (Qazax, Gəncə və s.) orta temperatur 24-26°C, gecə 18-23°C, gündüz 30-35°C, bəzi günlərdə 37-39°C olacaq. Yağıntı normaya yaxın (10-32 mm).
Şimal-şərq rayonlarında (Balakən, Qusar və s.) orta temperatur 21-24°C, gecə 17-22°C, gündüz 26-31°C, bəzi günlərdə 34-38°C olacaq. Yağıntı normaya yaxın (9-118 mm).
Mərkəzi rayonlarda (Yevlax, Göyçay və s.) orta temperatur 26-29°C, gecə 20-25°C, gündüz 30-35°C, bəzi günlərdə 38-42°C olacaq. Yağıntı normaya yaxın (3-22 mm).
Cənub rayonlarında (Masallı, Lənkəran və s.) orta temperatur 25-27°C, gecə 18-23°C, gündüz 26-31°C, bəzi günlərdə 33-37°C olacaq. Yağıntı normaya yaxın (7-33 mm).
