Milli Hidrometeorologiya Xidməti iyunun 1-də gözlənilən hava şəraitini açıqlayıb.
Bakıda və Abşeron yarımadasında hava dəyişkən buludlu olacaq, arabir tutulacaq, əsasən yağmursuz keçəcək. Şimal-qərb küləyi gündüz mülayim cənub-qərb küləyi ilə əvəz olunacaq.
Havanın temperaturu gecə 15-18°, gündüz 22-27° isti olacaq. Atmosfer təzyiqi 762 mm-dən 758 mm civə sütununa enəcək. Nisbi rütubət gecə 70-75 %, gündüz 55-60 % təşkil edəcək.
Azərbaycanın rayonlarında əsasən yağmursuz hava şəraiti gözlənilir. Lakin gündüz bəzi dağlıq ərazilərdə qısamüddətli yağış, şimşək və dolu ehtimalı var. Gecə və səhər duman olacaq. Mülayim qərb küləyi əsəcək.
Temperatur gecə 11-16°, gündüz 23-28° isti, dağlarda gecə 5-10°, gündüz 15-20°, bəzi yerlərdə 23-26° isti olacaq.
