Milli Hidrometeorologiya Xidməti iyunun 30-na olan hava proqnozunu açıqlayıb.
Bakıda və Abşeronda hava dəyişkən buludlu, əsasən yağmursuz keçəcək. Axşam bəzi şəhərətrafı ərazilərdə qısamüddətli yağış ehtimalı var.
Cənub-qərb küləyi axşam şimal-qərb küləyi ilə əvəz olunacaq. Havanın temperaturu gecə 18-20°, gündüz 25-29° isti olacaq.
Azərbaycanın rayonlarında hava əsasən yağmursuz olsa da, səhər şimal və qərb rayonlarından başlayaraq bəzi yerlərdə arabir yağış yağacaq. Ayrı-ayrı yerlərdə dolu və şimşək gözlənilir.
Gecə və səhər dağlıq ərazilərdə duman olacaq. Temperatur gecə 16-20°, gündüz 28-33°, dağlarda gecə 8-13°, gündüz 17-28° isti olacaq.
