Bu gün AZƏRTAC-ın müxbiri Məhərrəm İbrahimov və AzTV operatoru Sirac Abışovun şəhid olmasından 5 il ötür.
Xatırladaq ki, 2021-ci il iyunun 4-də Kəlbəcərin Susuzluq kəndində jurnalistləri daşıyan "KamAZ" minaya düşüb. Nəticədə İbrahimov, Abışov və icra nümayəndəsi Arif Əliyev şəhid olub, dörd nəfər yaralanıb.
Məhərrəm İbrahimov 1982-ci ildə Göyçədə anadan olub. 2004-cü ildən AZƏRTAC-da çalışıb, hərbi reportyor kimi tanınıb. Ailəli idi, iki övladı var. Ölümündən sonra 3-cü dərəcəli "Vətənə xidmətə görə" ordeni ilə təltif edilib.
Sirac Abışov 1989-cu ildə Qubadlıda anadan olub. 2019-cu ildən AzTV-də işləyib. Bir övladı var. Sumqayıt Şəhidlər xiyabanında dəfn olunub. O da ölümündən sonra eyni ordenlə təltif edilib.
