Azərbaycan Ali Məhkəməsində Keniya Ali Məhkəməsinin sədri Marta Koomenin rəhbərlik etdiyi nümayəndə heyəti ilə görüş keçirilib.
Ali Məhkəmənin sədri İnam Kərimov qonaqları salamlayaraq, iki ölkə arasında dostluq münasibətlərinin inkişaf etdiyini vurğulayıb. O, məhkəmə-hüquq sahəsində əməkdaşlığın genişləndirilməsinin əhəmiyyətini qeyd edib.
Görüşdə Azərbaycanda həyata keçirilən məhkəmə islahatları, rəqəmsallaşma və “Elektron məhkəmə” sistemi haqqında məlumat verilib.
Keniya Ali Məhkəməsinin sədri Marta Koome Azərbaycanın məhkəmə sistemindəki islahatları yüksək qiymətləndirib və təcrübə mübadiləsinə maraq göstərib.
Sonda iki ölkənin Ali Məhkəmələri arasında Əməkdaşlıq haqqında Memorandum imzalanıb. Sənəd hakimlərin peşəkar bacarıqlarının artırılması və ikitərəfli əlaqələrin möhkəmləndirilməsini nəzərdə tutur.
Görüşdə Azərbaycanın Keniyadakı səfiri Sultan Hacıyev də iştirak edib.
