Baku TV-nin "Qapqara" verilişinin qonağı yazıçı Kəramət Böyükçöl olub. O, insanın yalnız bir dəfə sevdiyini, sonrakı hisslərin isə ilk sevginin təkrarı olduğunu deyib.
"İlk dəfə yaşanan o təbii emosiya bir daha geri qayıtmır. Sonradan rola girib həmin hissləri yamsılayırsan. İlk məhəbbətdə təcrübəsiz olursan. Sonrakı münasibətlərdə 'səni sevirəm' deyəndə isə daxilən bunun neçənci təkrar olduğunu bilir, sadəcə, aktyorluq edirsən", - deyə o vurğulayıb.
Böyükçöl çıxışlarına gələn reaksiyalara da münasibət bildirib: "Bizim cəmiyyətdə 'yazıçı' deyəndə klassik obrazlar yada düşür. Ona görə də çıxışlarıma, yazılarıma baxıb 'belə yazıçı olar?!' deyirlər. İnsanların düşüncəsində çoxlu mənasız sərhədlər var, amma mən belə adamlara nifrət etmirəm".
