Mərkəzi Bankın məlumatına görə, 2026-cı ilin birinci rübündə Azərbaycanda kirayə qiymətləri ötən ilin eyni dövrü ilə müqayisədə 7.3% artıb. Bu artım 5.7% olan inflyasiyanı üstələyib.
Daşınmaz əmlak üzrə ekspert Ramil Osmanlı Baku TV-yə bildirib ki, kirayə mənzil bazarında təklif azalması müşahidə olunur: "Xüsusilə ucuz mənzillərdə təklif kəskin azalır, amma tələb yüksək olaraq qalır. Köhnə binalar sökülüb yerində yeniləri tikilir və qiymətlər bahalaşır."
Azərbaycan Qiymətləndiricilər Cəmiyyətinin sədri Vüqar Oruc isə qiymət artımının kirayə mənzil bazarının investisiya alətinə çevrilməsi ilə bağlı olduğunu deyir: "Mənzil alan vətəndaş kirayə qiymətlərini yüksək təyin edir ki, qoyduğu sərmayəni tez qaytarsın."
