Milli Məclisin Ailə, qadın və uşaq məsələləri komitəsinin iclasında Ailə, Qadın və Uşaq problemləri üzrə Dövlət Komitəsinin sədr müavini Sədaqət Qəhrəmanova yerli icra hakimiyyətlərini aliment məsələsində göstəriciləri saxtalaşdırmaqda ittiham edib.
O, bildirib ki, bəzi rayonlar aliment ödəməyən kişilərin sayını sıfır göstərib: "İcra hakimiyyəti ağlına gələn rəqəmi yazıb. Elə bir rayon varmı ki, orada aliment ödəməyən valideyn olmasın?"
Qəhrəmanova qeyd edib ki, hər il məişət zorakılığı ilə bağlı sorğu və hesabatlar alırlar, lakin rayonlardan verilən statistika reallığı əks etdirmir.
