IDEA İctimai Birliyi Kür çayının sahilində və Xəzər dənizinə qovuşduğu ərazidə ənənəvi təmizlik aksiyası keçirib.
Kənd Təsərrüfatı Nazirliyinin dəstəyi ilə Neftçala rayonunda təşkil olunan aksiyada IDEA könüllüləri iştirak ediblər.
Könüllülər xüsusi qayıqlarla çay və sahilləri məişət tullantıları, qadağan olunmuş balıqçılıq alətlərindən təmizləyiblər. Bir tona yaxın tullantı toplanaraq poliqona təhvil verilib.
Çaylara atılan tullantılar Kür çayı və Xəzərin ekosisteminə zərər vurur. Bu səbəbdən təmizlik aksiyaları böyük əhəmiyyət daşıyır.
IDEA bu cür aksiyalarla ekoloji mədəniyyətin yüksəldilməsinə çalışır. Təşkilat hər kəsi təbiəti qorumağa çağırır.
