Son günlər intensiv yağışlar Kür çayında suyun səviyyəsinin artmasına səbəb olub. Sahilboyu kəndlər bu vəziyyətdən ciddi təsirlənir.
Xəzər TV-yə istinadən Oxu.Az xəbər verir ki, qrunt suları həyətlərə və bağlara dolur. Salyan rayonunun Pambıqkənd kəndində bəzi evlərdə fəsadlar yaranıb.
Sakinlər bildirir ki, qrunt suları bağ və bostan sahələrini yararsız hala salıb. Vəziyyət onları narahat edir.
Qaraçala inzibati ərazi nümayəndəliyindən bildirilib ki, rayon fövqəladə komissiyası məlumatlandırılıb. Əraziyə baxışdan sonra tədbirlər görüləcək.
