Sabunçu rayonunun Kürdəxanı qəsəbəsində yağışdan sonra küçə və məhəllədaxili yolların vəziyyəti kəskin pisləşib.
Sakinlər bildirir ki, yağıntılar zamanı yollar su altında qalır, asfalt örtüyü tamamilə sıradan çıxır və hərəkət çətinləşir.
Bəzi küçələrdə kanalizasiya xətlərinin nasaz olması səbəbindən sakinlər öz imkanları hesabına qazıntı işləri aparıb, lakin qazılan sahələr bərpa edilməyib.
Qəsəbə sakinləri dəfələrlə aidiyyəti qurumlara müraciət etsə də, problem həllini tapmayıb.
Bir neçə il öncə asfaltlanan yollar son yağışlarla zədələnib, dərin çuxurlar və palçıqlı sahələr yaranıb.
