Lənkəranda ağır yol qəzası baş verib. VAZ-2106 markalı avtomobil ağaca çırpılıb, sürücü hadisə yerində ölüb.
Hadisə köhnə Ələt-Astara magistralının Liman şəhəri ərazisindən keçən hissəsində qeydə alınıb.
1962-ci il təvəllüdlü Zövlə kənd sakini Elşad Salayev idarə etdiyi avtomobili ağaca çırpıb. Qəza nəticəsində o, dünyasını dəyişib.
İlkin məlumatlara görə, sürücünün sükan arxasında ürəyi tutub. Dəqiq səbəb ekspertiza ilə müəyyən ediləcək. Faktla bağlı araşdırma aparılır.
