Lənkəran rayonunun Liman şəhəri, M.İbayev küçəsində qazıntı işləri zamanı yeraltı qaz kəməri zədələnib.
Hadisə səhər saat 10 radələrində baş verib. 225 mm diametrli orta təzyiqli kəmərdən qaz sızması qeydə alınıb.
Lənkəran Regional Qaz İstismarı İdarəsi Liman, Nərimanabad qəsəbəsi, Balıqçılar və Üzümçülük yaşayış məntəqələrinin qaz təchizatını müvəqqəti dayandırıb.
Qəza-bərpa işlərindən sonra qaz təchizatı mərhələli şəkildə bərpa olunacaq.
