Lənkəran şəhər 10 saylı tam orta məktəbdə vəziyyət acınacaqlıdır. Əvvəllər 2000 şagirdi olan məktəbdə indi 900 nəfər təhsil alır. Səbəb binanın qəzalı olmasıdır.
Müəllim Ziyafət Bayramova bildirib ki, məktəb 1985-ci ildən bəri əsaslı təmir olunmayıb: "Siniflərdə toz qalxır, sement tökülür. Bu, uşaqların sağlamlığı üçün təhlükəlidir. Valideynlərin köməyi olmasaydı, Hindistan məktəbləri kimi yerdə oturardıq".
Valideyn Zamin Rzayev deyir: "Məktəb çox qəzalıdır, qışda təhsil almaq mümkün deyil. Vəziyyət çox ağırdır".
