İşçilərin maaşı müxtəlif səbəblərdən gecikə bilər. Bəs qanun nə deyir?
Oxu.Az-ın "Qanun nə deyir?" rubrikasında bu dəfə maaşın üzrsüz gecikməsi araşdırılıb.
Əmək Məcəlləsinin 172-ci maddəsinə görə, əgər maaş işəgötürənin təqsiri üzündən gecikirsə, hər gün üçün işçiyə maaşının ən azı 1 faizi ödənilməlidir.
Maddədə qeyd olunur ki, "işəgötürənin təqsiri" dedikdə maaşın vaxtında hesablanmaması, bankdan alınmaması və ya maliyyə əməliyyatlarının gecikməsi nəzərdə tutulur. Lakin bankın müflisləşməsi və ya üçüncü tərəfin ödəməməsi kimi hallar işəgötürənin təqsiri sayılmır.
