Dövlət İmtahan Mərkəzi (DİM) 14 iyun 2026-cı il tarixində ali təhsil müəssisələrinin magistraturalarına qəbul imtahanı keçirəcək.
İmtahan Bakı, Sumqayıt və Abşeronda, ümumilikdə 63 binada təşkil olunacaq. Bütün məkanlarda imtahan saat 10:00-da başlayır.
Buraxılış rejimi saat 09:45-də başa çatır. Gecikən iştirakçılar binaya buraxılmır.
İmtahan dinləmə mətninin səsləndirilməsi ilə başlayır. İştirakçılar 15 dəqiqə qalmış zalda olmalıdır.
İmtahan müddəti 3 saat 30 dəqiqədir. Test tapşırıqları üçün 3 saat, esse üçün 30 dəqiqə ayrılır.
Nəticələr 2 mərhələdə elan edilir. Qapalı və kodlaşdırılan açıq tipli tapşırıqların nəticələri 2-3 günə, yekun bal esse yoxlanıldıqdan sonra açıqlanır.
İmtahan binasına telefon, elektron cihaz, kalkulyator, kitab, çanta və s. gətirmək qadağandır.
15719 bakalavr qeydiyyatdan keçib: 14612 Azərbaycan, 1107 rus bölməsi üzrə. 10632 cari il, 5087 əvvəlki il məzunu, 35 xarici vətəndaşdır.
Sağlamlıq imkanları məhdud 19 bakalavr üçün xüsusi şərait yaradılıb.
İmtahan buraxılış vərəqəsi DİM saytı və my.gov.az portalından çap edilir.
Zəruri sənədlər: şəxsiyyət vəsiqəsi və buraxılış vərəqəsi.
