Dövlət İmtahan Mərkəzi (DİM) 14 iyun 2026-cı il tarixində keçiriləcək magistraturaya qəbul imtahanının ikinci cəhdi üçün ərizə qəbuluna başlayıb.
Bakalavrlar 23 may saat 23:59-dək internet vasitəsilə müraciət edə bilərlər. Qeydiyyat linki: https://eservices.dim.gov.az/erizemag/erize
İmtahan Bakı, Abşeron və Sumqayıt şəhərlərində təşkil olunacaq. 17 may imtahanında qeydiyyatdan keçmiş bütün bakalavrlar bu imtahanda iştirak edə bilər.
Qeyd 1: 17 may imtahanında buraxılış vərəqəsi almış, lakin hava şəraiti səbəbindən iştirak etməmiş bakalavrlar üçün imtahan ödənişsizdir. Digərləri ödəniş etməklə iştirak edə bilər.
Qeyd 2: İmtahanda 2 və ya 3 dəfə iştirak edən bakalavrlar ixtisaslaşma seçimində ən yüksək nəticələrini seçə bilərlər.
