Masazır kəndində, Əliağa Vahid küçəsində yolun hərəkət hissəsində qapağı olmayan baxış quyusu avtomobillər üçün ciddi təhlükə yaradıb.
Sakinlər bildirir ki, gün ərzində çoxsaylı avtomobil quyuya düşür. Sürücülərdən biri deyir: "Avtomobilimin qabaq təkəri quyuya düşdü. Ətrafdakıların köməyi ilə maşını çıxardıq."
İri Şəhərlərin Birləşmiş Su Təchizatı Xidməti məsələni araşdırıb və qapağın naməlum səbəbdən yerində olmadığı müəyyən edilib. Hüquq-mühafizə orqanlarına müraciət olunub və quyunun qapağı qısa müddətdə yenisi ilə əvəz edilib.
