Mavriki Respublikasının Prezidenti Darambir Qoxul vurğulayıb: "Urbanizasiya planlaması bizim üçün sadəcə bir seçim deyil, həyatda qalmaq mənasını daşıyır."
O, WUF13 Liderlər Sammitində çıxışı zamanı bildirib ki, ada ölkəsi ərazi qıtlığı, dəniz səviyyəsinin qalxması və iqlim təhlükələri ilə üz-üzədir.
Prezident yeni Milli İnkişaf Strategiyasının 2040-cı ilədək nəzərdə tutulduğunu açıqlayıb. Sənəd ekoloji tarazlıq, iqtisadi artım və sosial bərabərlik prinsiplərinə əsaslanır.
Hökumət həssas təbəqələri dəstəkləmək, nəqliyyat və xidmət əlaqələrini gücləndirmək üçün addımlar atır. Məqsəd əlçatan mənzil təminatını artırmaqdır.
Qoxul Azərbaycanın Ağ Şəhər və Ağdamın bərpası layihələrini yüksək qiymətləndirib. O, beynəlxalq ictimaiyyəti daha çox həmrəyliyə çağırıb.
