Mayın 30-da hava şəraiti dəyişkən olacaq. Milli Hidrometeorologiya Xidməti məlumat yayıb.
Bakı və Abşeronda hava dəyişkən buludlu, arabir tutulacaq. Əsasən yağmursuz keçəcək, lakin gecə və axşam bəzi yerlərdə yağış yağacaq. Qısamüddətli intensiv yağıntı və şimşək ehtimalı var. Şimal-qərb küləyi gündüz mülayimləşəcək.
Hava temperaturu gecə 14-16°, gündüz 18-21° olacaq. Atmosfer təzyiqi 755 mm Hg-dən 761 mm Hg-yə yüksələcək. Nisbi rütubət gecə 70-80%, gündüz 60-65% təşkil edəcək.
Rayonlarda bəzi yerlərdə fasilələrlə yağıntı gözlənilir. İntensiv yağış, şimşək, dolu düşəcək, yüksək dağlıq ərazilərdə qar yağacaq. Gecə və səhər duman, qərb küləyi arabir güclənəcək.
Hava temperaturu gecə 13-16°, gündüz 20-25°, dağlarda gecə 7-12°, gündüz 12-17° (bəzi yerlərdə 20-23°) olacaq.
