Fövqəladə Hallar Nazirliyinin (FHN) müfəttişləri Qəbələ rayonu, Nic qəsəbəsində fəaliyyət göstərən maye qazdoldurma məntəqəsində yoxlama aparıb.
Yoxlama zamanı insan həyatı üçün təhlükə yaradan pozuntular aşkarlanıb. Məntəqədə qaz çəninin daxili baxışı və hidravlik sınağı keçirilməmiş, qoruyucu klapanlar, rezin parça qollar və digər avadanlıqlar dövri olaraq yoxlanılmamışdı.
Həmçinin bina və avadanlıqların torpaqlama müqaviməti ölçülməmişdi. Nöqsanların dərhal aradan qaldırılması mümkün olmadığı üçün məntəqənin istismarı dayandırılıb.
