Mayın 24-də II və III ixtisas qrupları üzrə ali təhsil müəssisələrinə qəbul imtahanları keçiriləcək.
Dövlət İmtahan Mərkəzinin məlumatına görə, imtahanlar ölkənin 25 şəhər və rayonunda təşkil olunacaq.
Abituriyentlər imtahana buraxılış vərəqəsini dim.gov.az, my.gov.az portalı və ya mygov mobil tətbiqi vasitəsilə çap edə bilərlər.
İmtahan saat 10:00-da başlayır. 09:45-dən sonra gələnlər binaya buraxılmır.
Hər bir iştirakçının gəlmə vaxtı buraxılış vərəqəsində qeyd olunub. Həmin vaxta riayət etmək tövsiyə olunur.
III ixtisas qrupunun altqruplarını seçənlər üçün coğrafiya fənni üzrə əlavə imtahan iyunun 7-də keçiriləcək.
