Mayın 31-də Azərbaycanda hava şəraiti açıqlanıb. Milli Hidrometeorologiya Xidmətinin məlumatına görə, Bakı və Abşeronda dəyişkən buludlu, əsasən yağmursuz hava gözlənilir.
Havanın temperaturu gecə 14-16°, gündüz 22-27° isti olacaq. Cənub-qərb küləyi axşam şimal-qərb küləyi ilə əvəz olunacaq.
Regionlarda isə bəzi dağlıq ərazilərdə qısamüddətli yağış, şimşək və dolu ehtimalı var. Gündüz temperatur 25-29°, dağlarda 15-20° təşkil edəcək.
