Bu gün Mədinə şəhərindən zəvvarların ilk qrupu Azərbaycana yola salınıb.
Oxu.Az-ın məlumatına görə, üç gün əvvəl Məkkədən Mədinəyə gəlmiş ilk qrupu daşıyan təyyarə Bakıya istiqamət götürüb.
Təyyarənin günorta saatlarında paytaxta çatması gözlənilir.
Əlavə edək ki, daha bir qrupun günorta saatlarında Vətənə yola salınması planlaşdırılır.
Sonuncu həcc qrupları Məkkə ilə vidalaşaraq Mədinəyə yola çıxıb. Zəvvarlar Mədinədə peyğəmbərin məscidi, Quba məscidi, Bəqi qəbiristanlığı və Uhud döyüşü ərazisini ziyarət edəcək.
Üç gün Mədinədə qaldıqdan sonra sonuncu qrup iyunun 9-da Bakıya dönəcək.
Qeyd edək ki, Məkkədən Bakıya ilk zəvvar qrupu mayın 31-də qayıdıb.
Bu il həcc ziyarətində azərbaycanlı zəvvarlar üçün kvota 1,150 yer, paket qiyməti isə 6,100 ABŞ dolları olub.
