Qafqaz Müsəlmanları İdarəsi (QMİ) Qazılar Şurası və səlahiyyətli nümayəndələri məhərrəm ayının başlanması münasibətilə müraciət yayıb.
Oxu.Az-ın məlumatına görə, məhərrəm ayının 1-i Miladi təqvimlə 16 iyun, Aşura isə 25 iyun tarixinə təsadüf edir.
Müraciətdə vurğulanır ki, Aşura günü İmam Hüseynin şəhadəti haqq uğrunda dəyanət salnaməsidir.
QMİ dindarlara xatırladır: məhərrəm ayında bədənə xəsarət yetirmək, qan çıxarmaq kimi hərəkətlər dinən qadağandır.
Mərasimlər yalnız məscid və ziyarətgahlarda keçirilməli, qanunlara riayət olunmalıdır.
Həmçinin, dini moizələrdə Vətən sevgisi, milli dəyərlər təbliğ olunmalıdır.
Məhərrəm dönəmində qanvermə aksiyası təşkil ediləcək.
