Baku TV-nin "Necə olmalıdır?" rubrikasında paytaxtın Mikayıl Əliyev, Oqtay Vəliyev və Rüstəm Rüstəmov küçələrinin kəsişməsindəki dairədə yol hərəkəti problemi göstərilib.
Dairə dörd istiqamətdən intensiv axına malikdir, sürücülər üstünlük qaydalarına əməl edə bilmir. Bu, "Ukrayna dairəsi"ndəki vəziyyəti xatırladır.
Nəqliyyat vasitələri dairəni tərk etməmiş digərləri hərəkətə başlayır. Xüsusilə gecə vaxtı qəza riski artır.
Mütəxəssislər dairənin işıqforla tənzimlənməsini təklif edir ki, həm təhlükəsizlik təmin olunsun, həm də sıxlıq azalsın.
