Miki Rurk - şöhrətin zirvəsini görən, amma tənhalığın dibinə enən aktyor. Onun həyatı küçə döyüşlərindən boksa, oradan Hollivuda uzanan bir sərgüzəştdir.
1952-ci ildə anadan olan Rurk, valideynlərinin ayrılmasından sonra çətin uşaqlıq yaşadı. Təsəllini boksda tapdı, lakin ağır zədələr səbəbindən aktyorluğa yönəldi. 400 dollarla Nyu-Yorka gedib təhsil aldı və qısa zamanda ulduz oldu.
"Bədən hərarəti" və "9 həftə yarım" filmləri ona dünya şöhrəti qazandırdı. Lakin çətin xarakteri və səhv qərarlar karyerasını batırdı. 1990-cı illərdə yenidən boksa döndü, üzü plastik əməliyyatlarla tanınmaz hala gəldi. Milyonlar qazansa da, kirayə pulunu belə ödəyə bilmədi.
2008-ci ildə "Restler" filmi onun üçün dönüş oldu. "Qızıl Qlobus" qazanan Rurk, aktyorluğun onu xilas etdiyini söylədi.
