Mayın 30-u Azərbaycan şairi, satirik, mütəfəkkir Mirzə Ələkbər Sabirin doğum günüdür. O, 1862-ci ildə Şamaxıda anadan olub.
Sabir ilk təhsilini mollaxanada alıb, sonra Seyid Əzim Şirvaninin məktəbində oxuyub. Onun ilk tərcüməsi Sədinin "Gülüstan" əsərindən olub.
Atası onu təhsildən ayırıb dükanda işlətsə də, Sabir yazmağa davam edib. 23 yaşında səyahətə çıxıb, Orta Asiya və İranı gəzib.
1887-ci ildə evlənən Sabirin səkkiz qızı, bir oğlu olub. 1902-ci il Şamaxı zəlzələsində evi dağılıb.
XX əsrin əvvəlində şeirləri mətbuatda çap olunmağa başlayıb. 1906-cı ildə "Molla Nəsrəddin" jurnalının fəal müəllifi olub.
1908-ci ildə müəllim diplomu alıb, "Ümid" məktəbini açıb. 1910-cu ildə Bakıda "Zənbur" jurnalında çalışıb.
Ciyər xəstəliyinə tutulan Sabir 1911-ci il iyulun 12-də vəfat edib. Məzarı Şamaxıda "Yeddi Guşə"dədir.
