Təhsilverənlərin sertifikatlaşdırılması prosesinin test imtahanı mərhələsi 17-19 və 23-25 iyun 2026-cı il tarixlərində keçiriləcək.
Məktəbəqədər və Ümumi Təhsil üzrə Dövlət Agentliyi bu barədə məlumat yayıb. İmtahan vaxtı və yeri iştirakçıların şəxsi kabinetlərinə göndərilib.
Təhsilverənlər portal.edu.az platformasında qeydiyyatdan keçərək "Sertifikatlaşdırma" bölməsindən məlumatlara baxa bilərlər. Platformanın istifadəsi üçün təlimat videosu da mövcuddur.
Cari ildə sertifikatlaşdırmada təsviri incəsənət, musiqi, texnologiya, tarix, fiziki tərbiyə, fizika, kimya, biologiya, coğrafiya, informatika, ibtidai sinif, Azərbaycan dili və ədəbiyyat, riyaziyyat, xarici dil müəllimləri iştirak edəcək.
