İş müsahibələrində namizədlər tez-tez "Sizi niyə işə götürməliyik?", "Azyaşlı övladlarınız varmı?" kimi qıcıqlandırıcı suallarla qarşılaşır. Bu suallar stres yaradır və namizədləri çaşdırır.
Oxu.Az "Xəzər" TV-yə istinadən bildirir ki, işaxtaranlar "Nəyə görə məhz biz?" və "Beş il sonra özünüzü harada görürsünüz?" kimi sualları xüsusilə narahat edici hesab edir.
Namizədlər hesab edir ki, işəgötürənlər potensiala baxıb sınaq müddəti verməlidir.
HR mütəxəssisi Röyal Əhmədov deyir: "Bəzi qəribə suallar şirkət haqqında mənfi təəssürat yaradır. Evlilik, övlad, kirayə və gələcək planları ilə bağlı suallar düzgün ünvanlanmalıdır."
İnkişaf etmiş ölkələrdə inanc, cinsiyyət, yaş və ailə vəziyyəti ilə bağlı suallar qadağandır. Röyal Əhmədov vurğulayır: "Müsahibə şirkətin özünü təqdim etməsidir. Aqressiv suallar namizəddə stres yaradır."
