Naxçıvan Muxtar Respublikasının bir sıra şəhər və rayonlarında elektrik enerjisinin verilişi müvəqqəti dayandırılacaq.
Oxu.Az-ın məlumatına görə, mayın 26-da saat 02:00-dan 04:00-dək Naxçıvan şəhərinin Əliabad, Səməd Vurğun, Şəhriyar küçələri, 48, 59, 60, 61-ci küçələr, Əcəmi, İstiqlal və Heydər Əliyev prospektləri, həmçinin Kəngərli, Şərur, Şahbuz, Sədərək elektrik şəbəkələri və Babək Elektrik Şəbəkəsinin Cəhri, Kərimbəyli, Nəzərabad yarımstansiyalarında elektrik kəsiləcək.
Bu, 110/35/10 kV-luq Xalçaçılıq yarımstansiyasında aparılacaq yenidənqurma və təmir işləri ilə bağlıdır. Enerji təchizatı sistemlərinin gücləndirilməsi və etibarlılığın artırılması üçün mərhələli təmir işləri görüləcək.
