Noni meyvəsinin şirəsi mədə xərçəngi hüceyrələrində ferroptozu aktivləşdirərək onların böyüməsini dayandıra bilər.
Yeni araşdırma göstərir ki, bu tropik meyvənin şirəsi mədə xərçəngi hüceyrələrinə qarşı güclü təsir göstərir. Alimlər siçanlar üzərində apardıqları təcrübələrdə şirənin şiş hüceyrələrinin canlılığını azaltdığını və yayılmasını ləngitdiyini müşahidə ediblər.
Noni şirəsi tərkibindəki apigenin, naringenin və kurkumol kimi flavonoidlər sayəsində hüceyrədə dəmir yığılmasına və lipid oksidləşməsinə səbəb olur. Bu proses ferroptoz adlanan xüsusi hüceyrə ölümünü tetikleyir.
Tədqiqatın nəticələri "Food & Function" jurnalında dərc olunub. Alimlər bu mexanizmin mədə xərçəngi müalicəsində yeni yanaşmalara yol aça biləcəyini vurğulayırlar.
