Abşeronda günlərdir yola axan suyun mənbəyi ilə bağlı rəsmi açıqlama gəlib.
Baku.ws-in 'qaynar xətti'nə daxil olan məlumata görə, Novxanı bağlar massivində beşinci dalan, Qaçaq Nəbi küçəsində içməli suyun axdığı bildirilirdi. Lakin ADSEA bu iddianı təkzib edib.
Agentlikdən bildirilib ki, axan sular qrunt sularıdır və güclü yağışlardan sonra həcmi artıb. Ərazidə tullantı su şəbəkəsi və yağış drenaj xətləri olmadığı üçün su yolboyu axır.
Sakinlər yolun asfalt örtüyünün dağıldığını, evlərinə su dolduğunu bildirərək problemin həllini istəyirlər. ADSEA isə Bakının Baş Planına uyğun infrastruktur işlərinin mərhələli şəkildə aparıldığını qeyd edib.
