Paytaxt sakini Rəsmiyyə Həsənova yaşadığı ünvanda kommunal borclarla bağlı ciddi problem yaşayır.
O, mənzildə hazırda özü yaşasa da, sistemdə əvvəlki sakinin məlumatları qaldığından həmin şəxsin qaz və su borclarının ondan tələb olunduğunu deyir.
Şikayətçiyə görə, mənzildə əvvəl yaşamış şəxs artıq vəfat edib, lakin borclar silinməyib və ödəniş zamanı həmin məbləğlər ondan tələb edilir.
"Cana yığılmışam. Əliləm, işləmirəm. Mənim heç bir borcum olmayıb. Borclar məndən əvvəl həmin evdə yaşayan qadının adına olub. Amma mən bu evə köçəndən sonra onun su, işıq və qaz borclarını ödəməli olmuşam. Niyə başqasının borcunu ödəməliyəm?" - deyə Rəsmiyyə Həsənova bildirib.
