Azərbaycan Qida Təhlükəsizliyi Agentliyinin sədri Qoşqar Təhməzli özəl uşaq bağçalarında qidalanma vəziyyətinin ciddi narahatlıq doğurduğunu bildirib.
Trend-ə müsahibəsində o qeyd edib ki, yoxlanılan 107 bağçadan 88-də qanun pozuntuları aşkar edilib. Bu, 80%-dən çox deməkdir.
Ən çox rast gəlinən problemlər: vaxtı keçmiş məhsullar, düzgün saxlanma şəraitinin olmaması, qidaların saxtalaşdırılması, kərə yağı əvəzinə bitki yağları verilməsi.
Həmçinin sanitar-gigiyenik qaydalara əməl edilməməsi də ciddi çatışmazlıq kimi qeydə alınıb.
Qoşqar Təhməzli bağça rəhbərlərini uşaqların sağlam qidalanması üçün məsuliyyətə çağırıb. Qanun pozuntusu aşkarlananlara qarşı tədbir görüləcəyi bildirilib.
Müsahibə 30 iyun saat 20:00-da Trend və Xəzər TV-də yayımlanacaq.
