Səhiyyə Nazirliyinin Analitik Ekspertiza Mərkəzinin Tibbi nəzarət şöbəsinin baş mütəxəssisi Xəyalə Əliyeva özəl klinikalarda lisenziya pozuntusuna görə məsuliyyətin kimə aid olduğunu açıqlayıb.
O bildirib ki, əgər özəl tibb müəssisəsi hüquqi şəxs (MMC, QSC və s.) kimi təşkil olunubsa, lisenziyaya görə cavabdeh şəxs həkim deyil, sahibkardır. Lisenziya sahibkarlıq subyektinin məsuliyyət sferasıdır.
Həkimlər yalnız fərdi qaydada fəaliyyət göstərirsə və ya həm həkim, həm də sahibkar kimi çalışırsa, birbaşa məsuliyyət daşıyır. Lisenziya pozuntusu aşkarlandıqda, sahibkarlıq subyekti maliyyə sanksiyası və ya daha ciddi tədbirlərlə üzləşə bilər.
