Deputat Vüqar Bayramov qadınların pensiya kapitalına xüsusi əmsalların tətbiq edilməsini təklif edib. Bu, pensiya məbləğlərinin artırılmasına yönəlib.
Təklif Milli Məclisin bugünkü iclasında Gender bərabərliyi hesabatı müzakirəsi zamanı səsləndirilib. Bayramov bildirib ki, qadınların orta aylıq əmək haqqı kişilərin maaşının 69.1%-ni təşkil edir, qlobal səviyyədə isə bu 77-80% arasındadır.
Deputat qadınların ən çox təhsil sektorunda çalışdığını, ikinci sırada səhiyyə və sosial xidmətlərin gəldiyini qeyd edib. Həmçinin, qadın sahibkarlar üçün kredit kvotalarının müəyyənləşdirilməsini məqsədəuyğun hesab edib.
