Səhiyyə Nazirliyi Respublika Qan Bankının icraçı direktor müavini Afət Zeynalova qan donorluğu barədə müsahibə verib.
14 iyun Ümumdünya Qan Donoru Günü ilə əlaqədar nazirliyə müsahibəsində o, donorluğun şərtlərini açıqlayıb.
Donor olmaq üçün əsas tələblər
18-65 yaş arası, sağlam, çəkisi ən az 50 kq olan şəxslər donor ola bilər. Tibbi müayinədən keçmək şərtdir.
Qan təzyiqi, nəbz, hərarət, hemoqlobin səviyyəsi yoxlanılır. Müvəqqəti və ya daimi məhdudiyyətlər var: yoluxucu xəstəliklər, hamiləlik, ağır ürək-damar xəstəlikləri və s.
Donor qanının istifadəsi
Donor qanı eritrosit kütləsi, trombositlər və plazmaya ayrılaraq bir neçə xəstənin müalicəsində istifadə olunur.
Müntəzəm donorluq qan ehtiyatlarının davamlılığını təmin edir.
