Azad edilmiş ərazilərdə 6 321 abonent su təchizatı xidmətləri ilə əhatə olunub. Bu barədə Azərbaycan Dövlət Su Ehtiyatları Agentliyindən (ADSEA) məlumat verilib.
Hazırda Xankəndidə 3 264, Füzulidə 878, Cəbrayılda 690, Şuşada 535, Laçında 380, Xocavənddə 367 və Kəlbəcərdə 207 abonent su ilə təmin olunur.
Ən böyük abonent bazası Xankəndi şəhərindədir. Şəhərdə 104 km su şəbəkəsi, 67 km kanalizasiya, 15 subartezian quyusu və iki sutəmizləyici qurğu fəaliyyət göstərir.
Şuşada 34,5 km su və 27,5 km kanalizasiya, Xocavənddə 48 km, Hadrutda 35 km su şəbəkəsi istismar olunur. Ağdərədə 52 km su şəbəkəsi və 37 km magistral su kəməri var.
Xocalıda 364, Əsgəranda 50, Zəngilanda isə 27 istehlakçı su xidmətlərindən yararlanır.
