Qaraçuxur qəsəbəsi, Qəzənfər Vəliyev küçəsi, 7 ünvanının sakinləri yaşadıqları ərazidəki baxımsızlıqdan şikayət edirlər.
Həyətdəki ağacların çoxu quruyub. Biri kökündən qoparaq qaz borusunun üzərinə əyilib, təhlükəli vəziyyət yaradıb.
Mənzil-kommunal idarəsi problemi həll etmək əvəzinə ağacı qaz borusuna bağlamaqla kifayətlənib.
Küçə işıqları işləmir, sahibsiz itlər çoxdur. Sakin gecə aptekə çıxanda qorxudan hara gedəcəyini bilmir.
Bir sakin bildirib: "Gecə çıxmağa qorxuruq. Narkotik istifadəçiləri ağac dibində nəsə gizlədir".
Digər sakin deyib: "Ağac sallanır, altında uşaq ola bilər. Faciə baş versə, kim cavab verəcək?"
