Qazaxıstanın Türküstan şəhərində yerə düşən Azərbaycan bayrağını qaldıran məktəbli mükafatlandırılıb.
11-ci sinif şagirdi Nursultan Bazarbayul vilayət polis idarəsinin rəisi ilə görüşə dəvət olunub.
Görüşdə polis rəisi Arıstanqani Zapparov şagirdin vətəndaş mövqeyini və dövlət rəmzlərinə hörmətini yüksək qiymətləndirib.
Nursultana Şerxan Murtazanın mənəvi dəyərlər haqqında kitabı hədiyyə edilib.
Polis rəisi şagirdə təhsilində uğurlar arzulayıb. Nursultan təşəkkür edib və görüşün şərəf olduğunu bildirib.
Video sosial mediada geniş yayılıb və müsbət rəylər alıb. Bu hərəkət Azərbaycanda da dəstəklənib və dostluq simvolu adlandırılıb.
