Abşeron rayonundakı qəbiristanlıqda tapılan körpə ilə bağlı rəsmi məlumat verilib. Sosial Xidmətlər Agentliyi hadisə yerinə dərhal müdaxilə edib.
Agentlikdən Oxu.Az-a bildirilib ki, hazırda körpənin vəziyyəti qiymətləndirilir və qanunvericiliyə uyğun tədbirlər görülür.
Müayinə bitdikdən sonra uşağın mənafeyinə uyğun qayğı göstəriləcək.
Xatırladaq ki, ötən gün "Azərbaycan Uşaqları" birliyinin sədri Kəmalə Ağazadə Goradil qəbiristanlığında atılmış uşaq haqqında məlumat yayıb.
