AQTA Qurban bayramı ərəfəsində media nümayəndələri üçün heyvan kəsimi məntəqəsinə infotur təşkil edib.
Məqsəd bayram günlərində artan tələbat fonunda heyvan kəsimi və satışının qanunvericiliyə uyğun həyata keçirilməsinin vacibliyini vurğulamaqdır.
"Azmeat" müəssisəsində jurnalistlərə kəsim prosesi əyani nümayiş etdirilib.
Bildirilib ki, baytarlıq-sanitariya qaydalarına riayət həm işçi, həm də istehlakçı sağlamlığı üçün vacibdir.
İşçi heyəti xüsusi geyimlə təmin olunmalı, alətlər dezinfeksiya edilməli, tullantılar vaxtında uzaqlaşdırılmalıdır.
Həmçinin, AQTİ-nin Mobil Laboratoriyası çadır tipli kəsim məntəqələrində fəaliyyət göstərəcək, şübhəli hallarda nümunələr operativ müayinə olunacaq.
