Lənkəran şəhərində son iki ildə torpaq sahələrinin qiymətlərində artım müşahidə olunur. Bahalaşma torpaqların yerləşdiyi əraziyə görə dəyişir.
Oxu.Az Xəzər TV-yə istinadən xəbər verir ki, satış üçün əlverişli torpaq sahələrinin sayı azdır. Satışa çıxarılan torpaqların əksəriyyəti 2-3 sotluq həyətyanı sahələrdir.
Lənkəranda torpaq almaq istəyənlər şəhərətrafı ərazilərə və yaxın kəndlərə üstünlük verir. Ən bahalı torpaqlar dənizə yaxın yerlərdədir.
Şəkidə də torpaq qiymətləri artıb. Ekspertlər bunu infrastrukturun yaxşılaşdırılması, yolların təmiri və turist sayının artması ilə əlaqələndirir.
Şəkidə ən ucuz torpaqlar yeni salınan məhəllələrdədir (qaz xətti yoxdur). Ən bahalı torpaqlar isə "Dodu" və "Soyuq Bulaq" məhəllələrində qeydə alınır.
