Xüsusi nümayəndə Vahid Hacıyev WUF13 çərçivəsindəki tədbirdə Qarabağın enerji potensialından danışıb.
Onun sözlərinə görə, regionda istehsal olunan enerji təkcə Qarabağı deyil, ölkənin digər hissələrini də təmin etməyə qadirdir.
Hazırda Qarabağda, xüsusilə Zəngilanda iki iqtisadi zona fəaliyyət göstərir. Ağdam və Cəbrayıl sənaye parklarında 19-dan çox rezident var.
Yaşıl enerji zonası elan edilən ərazilərdə günəş və hidroenerji mənbələrindən istifadə olunur. Hazırda 45 MVt hidroenerji istehsal edilir.
Xarici investorlar 240 MVt gücündə günəş stansiyasına investisiya yatırır. Digər şirkətlər də yüzlərlə MVt-lıq layihələr təqdim edib.
