2025-ci ilin oktyabrından etibarən Azərbaycan Şəhərsalma Kampaniyası 6000-dən çox gəncə çatıb. Məqsəd yalnız Bakı ilə məhdudlaşmamaq, region və kənd gənclərinə şəhərsalma anlayışını izah etməkdir.
Bunu BMT-nin Məskunlaşma Proqramında (UN-Habitat) baş məsləhətçi Məleykə Tağızadə Bakıda keçirilən WUF13-də deyib.
Layihə "heç kəsi geridə qoymamaq" prinsipi əsasında qurulub, inklüziv icmalar formalaşdırmağı hədəfləyir. Praktiki vorkşoplar nəticəsində 25 iştirakçıdan 7-si daimi iş təklifi alıb.
Gənclər və İdman Nazirliyi ilə əməkdaşlıqda "Azərbaycan şəhərlərindən gənclərin səsləri" hesabatı hazırlanır. Bu sənəd 6000 iştirakçının fikirlərini əks etdirərək WUF13-də təqdim ediləcək.
